قالا بيلىگى جۇردەك ترامۆاي جەلىسىنىڭ (LRT) قۇرىلىسىن 2027 جىلى باستاپ, ەكى جىل ىشىندە اياقتاۋدى كوزدەپ وتىر, دەپ حابارلايدى Egemen.kz.
قوعام تالقىسىنا شىققان LRT جوباسىندا قۇرىلىس 2027 جىلدىڭ II توقسانىندا ء(ساۋىر ايىندا) باستالىپ, 2029 جىلدىڭ ساۋىرىندە اياقتالادى دەپ جازىلعان.
استانادا LRT جوباسىنىڭ ەكىنشى كەزەڭىنە دايىندىق باستالدى
جوبانىڭ باستالۋ ۋاقىتى مەملەكەت بولەتىن قارجىعا بايلانىستى. قۇرىلىستىڭ جالپى مەرزىمى – 24 ايدى قۇرايدى. ونىڭ ىشىندە دايىندىق كەزەڭى (ۇيلەردى بۇزۋ جانە ينجەنەرلىك جەلىلەردى كوشىرۋ جۇمىستارىن قوسقاندا) – 7 اي.
استانادا LRT ايالداماسىنان ءورت شىقتى
ءبىرىنشى جەلىنىڭ العاشقى كەزەڭى الماتىنىڭ نەگىزگى كولىك دالىزدەرىن بايلانىستىرادى. تراسسا الاتاۋ اۋدانىنداعى يندۋستريالىق ايماقتا ورنالاساتىن دەپودان باستالىپ, كەيىن وڭتۇستىك باعىتتا ب. مومىش ۇلىنىڭ بويىمەن تولە بيگە دەيىن بارادى, ودان سوڭ تولە بي كوشەسىمەن شىعىسقا قاراي ابىلاي حان داڭعىلىنا دەيىن سوزىلادى. سول جەردەن الماتى-2 تەمىرجول ۆوكزالىنا تۇسەدى. سوڭعى ايالداما «رايىمبەك باتىر» كولىك تورابىنىڭ جانىندا بولادى.
ءبىرىنشى كەزەڭنىڭ ۇزىندىعى – 17.893 شاقىرىم, جولاۋشى پلاتفورماسىنىڭ سانى – 34, ايالدامالار ارالىعىنىڭ ورتاشا قاشىقتىعى – 700 م.
LRT-عا كاسسيرلەر كەرەك: CTS كومپانياسى ۇمىتكەرلەرگە قانداي تالاپ قويىپ وتىر؟